मोरङ । नेपालमा मिस ग्लोब जितेर विश्व सुन्दरी प्रतियोगिता भिड्न जाँदै गरकी मोरङ पथरीशनिश्चरे नगरकी रिजु भट्टराईलाई जिताउन अभियान सञ्चालन हुनेभएको छ ।
मिस पथरी, मिस पूर्वाञ्चलहुँदै नेपालभरीको प्रतियोगितामा मिस ग्लोब जितेर रिजु भट्टराई अल्बानियामा हुने विश्व सुन्दरी प्रतियोगितामा जाँदैछिन् ।
प्रतियोगिता भिड्ने अवसर पाएपनि प्लेन टिकेट, लजिङ, फुडिङ, वेरिङदेखि तालिम लगायतका सम्पूर्ण खर्च आफै बेहोर्नु पर्ने भट्टराई परिवारले जनाएको छ ।
पथरी जेसीजकी अध्यक्ष निर्माला भट्टराई लगायतको पहलमा विश्व सुन्दरी प्रतियोगिता रिजुलाई जिताउन अभियान सञ्चालनहुने आज पत्रकार सम्मेलनगरी जानकारी दिएका हुन् । पथरी जेसीजका पूर्व अध्यक्ष राजकुमार विकको संयोजकत्वमा सहयोग समिति गठन भएको छ । समितिमा अभियान्ताहरु सुमन कुरुम्बाङ, सुबर्ण खत्रि, विशाल बर्देबा लगायत रहेका छन् ।
विश्व सुन्दरी भिड्न परिवार एक्लै खर्च जुटाउन संभव नभएको कारण सहयोगमा जुट्नु परेको अभियानका संयोजक राजकुमार विकले बताए । एउटा युवा अगाडी बढिरहँदा सहयोग पु¥याउन जिम्मेवार समाजको कर्तब्य भएको पथरी जेसीजकी अध्यक्ष निर्मला भट्टराईले बताए ।
सुन्दरी प्रतियोगिता समग्र क्षमताको साथै जीउने कला सम्बन्धी प्रतियोगिता भएको अभियान्ता सुमन कुरुम्बाङको भनाइछ । रिजुलाई विश्व सुन्दरी प्रतियोगिता जिताउन सहयोग गर्न अभियान समितिले सम्पूर्णलाई आव्हान गरेका छन् ।
